«Илһам чишмәсе » исемле II республика әдәби-иҗат бәйгесе

«Илһам чишмәсе »  исемле  II республика әдәби-иҗат бәйгесе

нигезләмәсе

   Бөек шагыйрь Габдулла  Тукайның  тууына  126  ел тулу уңаеннан Татарстан Республикасы  укытучылары һәм укучылары арасында «Илhам чишмәсе»  исемле  II республика әдәби-иҗат бәйгесе уздырыла.    

Максаты һәм бурычлары:

 *  Укучыларны һәм укытучыларны Г.Тукай иҗатына тагын да якынайту;

 *  шигъриятнең җәмгыятьтәге тәрбияви ролен күрсәтү;

  * каләм тибрәтүче( шигырь язучы) укучы һәм укытучыларны барлау  һәм           аларда эстетик зәвык тәрбияләү.     
                               

Катнашучылар

 Бәйгедә  укытучылар   һәм  8-11 сыйныф укучылары катнаша.

Бәйгене үткәрү шартлары һәм тәртибе

    Һәр катнашучы бәйгегә (татар телендә) үзе язган  шигырьләрен тәкъдим итә (матбугат битләрендә басылмаган, башка бәйгеләрдә катнашмаган булырга тиеш)

Укытучылар -10 шигырь тәкъдим итәләр, аларның берсе Г.Тукайга багышлап язылган, калганнары- ирекле тема; укучылар - 5 шигырь,  шуларның берсе Г.Тукайга багышлап язылган, башкалары- ирекле тема ( шигъри әкиятләр дә булырга мөмкин)

Иң яхшы  дип табылган  шигырьләр  җыентыкка кертелә.

                                                                               

Иҗади эшнең язылу тәртибе

  Эш төзәтүләрсез, А4 форматында (шрифт Times New Roman-14, интервал 1,5) компьютерда басылган булырга тиеш. 

Иң беренче биттә автор тулы исемен, фамилиясен, мәктәбен ( укучы- классын),районын һәм туган елын  күрсәтә , үзе турында кыскача мәгълүмат яза, төгәл адресын , телефонын күрсәтә.

Иҗади эшләр (электрон вариантта) 2012 елның 10  нчы апреленә  кадәр  түбәндәге электрон  адреска җибәрелә: gim2072@mail.ru

 ИЧ ( тамгасыннан соң), район,фамилиясе күрсәтелә һәм эш җибәрелә.

  (Мәсәлән: ИЧ Казан Арсланова )

Конференцияне оештыручылар

-ТАТАРСТАН  РЕСПУБЛИКАСЫ МӘГАРИФ һӘМ  ФӘН  МИНИСТРЛЫГЫ;

-КАЗАН  ШӘҺӘРЕНЕҢ СОВЕТ РАЙОНЫ МӘГАРИФ  ИДАРӘСЕ;

-“ МӘГЪРИФӘТ” ГАЗЕТАСЫ;

-КАЗАН ШӘҺӘРЕ СОВЕТ РАЙОНЫНЫҢ “20 НЧЕ ГИМНАЗИЯ” ГОМУМИ БЕЛЕМ  МУНИЦИПАЛЬ БЮДЖЕТ УЧРЕЖДЕНИЕСЕ;

-КАЗАН ШӘҺӘРЕ СОВЕТ РАЙОНЫ УКЫТУЧЫЛАРЫНЫҢ

 “ ИЛҺАМ ЧИШМӘСЕ” ӘДӘБИ-ИҖАТ БЕРЛӘШМӘСЕ.

                              Конференцияне йомгаклау һәм нәтиҗә ясау

  Йомгак 24 нче апрельдә ясалачак, бүләкләү чарасы  5 нче майда уздырыла.

  Җиңүчеләргә ТР Мәгариф һәм фән министрлыгының дипломнары, шигырьләр  җыентыгы , рәхмәт хатлары тапшырыла.

Белешмәләр өчен

8-96-56-060-881,( 8-843) 272-36-42  тел. буенча   Рәхимә Минвәли кызы Арслановага мөрәҗәгать  итеп була.